يا ذيب لا تنشد عن الحال يا ذيب
حالي مثل حال الخلاوي وتعداه
شربت من ضيم الليالي مشاريب
مثل الغريب اللي لظى البعد اضناه
لا تشتكي يا ذيب قهر المعازيب
واترك دروب اللي له الحب مشقاه
ناس(ن) تدور للصداقة عذاريب
خلو معاني الحب كذب(ن) ومسلاه
اسهر وكل اللي اشوفه هذاريب
واتعب من الكتمان في شي مقواه
كلفت انا يا ذيب عين المناحيب
تبكي فراق وضيم غالي تحداه
صارت اماني الحب غدر واكاذيب
تكسر ضلوع القلب حزنه وبلواه
يا ذيب لا تنشد عن الحال يا ذيب
حالي تردى والسبب حب(ن) اشقاه