الشاعر عايد العضيله من شعراء النظم المعروفين خدم الشعر بأفكاره وحضوره المتالق وهو من أوائل الذين أسسوا مكاتب الشعراء في الحجاز ، وهو صاحب مكتب المطيري الشهير، والان يشغل مدير مجموعة قناة التميز الاعلامية؛ ولديه القدرة على تنظيم الاحتفالات والمؤتمرات لعلاقاته القوية مع الشعراء والاعلاميين.
عايد العضيله يهدي قصيدته الجديدة الى اللواء فيحان الحافي ويقول فيها:
نخيت راعي الطيب راع المروات••
الحافي اللي كلكم في محلة
فيحان لا راحت علومن ولن جات••
الصعب لامنه وقف له يحله
فيحان ابن ناصر قوي العلاقات••
عون الرفيق اللي يجيه ويصله
قال الخير هاته عساها سلامات ••
العلم هات العلم دقه وجله
قلت ابن عمي فالحرس له كشوفات••
والفحص عيا ليتجاوزه كله
قال انتظر يا عايد اشوي لحظات••
انته تقهوى كيف فنجان دله
وانا بكلم واحد افعوله اثبات••
سيفن لياجات المواقف نسله
فارس محمد طيب الساس والذات••
الاسم بين الفعول والادله
ثم قال تبشر ولاهي صعيبات••
نعيد كشفه ماش شين حصله
للجود في وجيه النشاما علامات••
دايم نشوف وجيهها مبتهله
الحارثي عند الامور المهمات••
مثل بروق المزنه المستهله
وبيوتهم تعرف على الاوقات••
محل راع الجود كلن يدله
ماهو على قوقل وصف الاشارات••
تلقاه بين العرب ما تزله
شرواك ما توفيه يا فارس ابيات••
بس المكارم فيك ورث وجبله
ذولا بني حارث سيوفن صقيلات••
اللي تقدر كل ضيف وتجله
اصفوفهم مثل جبال السروات••
وأمجادهم مثل النجوم المطله
