الشاعر جمعان بن خلف الرشيدي شاعر الكلمة والحرف الشاعر الذي يقود كلماته بسخاء ومعرفة ، يجدّد الولاء والمبايعة لمقام سيدي خادم الحرمين الشريفين الملك سلمان بن عبدالعزيز وولي عهده الأمير/محمد بن سلمان بمناسبة مرور خمس سنوات على توليه مقاليد الحكم أمام سمو أمير منطقة القصيم الأمير الدكتور فيصل بن مشعل بن سعود بن عبدالعزيز ، التي نالت على استحسانه واستحسان الحضور من مسؤلين ورجال اعمال ومشائخ . فيقول في هائية نبطية قوية يقول في نبطيته:
الولا لله ولمحمد رسوله
ثم لولاة الامر سمعٍ وطاعه
والوطن غالي وعالي من يطوله
من نواه بشر نكسر له ذراعه
دونه اهل التضحيه واهل البطوله
شعب معروف ابولاه وبالشجاعه
بيعة الارواح ماهي بالسهوله
العمر غالي ويرخص دون قاعه
كان حرب المعتدي دقت طبوله
الوطن بأرواحنا حنا دفاعه
دولة التوحيد ماهي بأي دوله
شامخه في شامخٍ طال ارتفاعه
تحت راية صانع المجد ويطوله
فيه عزم ومعه قوه واستطاعه
الحزم والعزم سلمان الرجوله
كل باعٍ قاصرٍ من دون باعه
ابن عودٍ دك خصمه في خيوله
لين خصمه في هذاك اليوم طاعه
للامام الفيصلي صوله وجوله
لين حرر موطنه وانها صراعه
واستتب الامن وشعوبه دعوله
جعله مع الانبياء واهل الشفاعه
وفي مكانه حاكمٍ يشبه فعوله
الشجاع يخلّف ارجال الشجاعه
حاكمٍ من فعله اعداه اخضعوله
فيه وصل وفيه لعداه القطاعه
يزرع المعروف في طيّب احقوله
وبالشدايد يجني اثمار الزراعه
وخير جوده زاد ببركت امحصوله
والمواطن زاد خيره واتساعه
في مقاليد الحكم جو واهتفواله
بايعوه الشعب في حفظ الوداعه
المليك اللي ملكنا في فعوله
من غلاه مبايعينه في قناعه
كل شعبه بايعوه وباركوله
يوم ذكرى البيعه افراد وجماعه
بيعته بأعناقنا بسن الطفوله
والعهد لولاتنا صعب انتزاعه
وانسمعو ماقلته وشعبه يقوله
لادعانا له حضرنا بظرف ساعه
تحت اوامر سيدي في مايقوله
خادم البيتين له سمعٍ وطاعه
الشاعر/جمعان خلف الرشيدي
